BURHI AAIR SADHU

বুঢ়ী আইৰ সাধুখন অসমীয়া সাধু কথাৰ ভঁৰাল৷" যোৱাটো শতিকাৰ ষাঠিৰ দশকত, অৰ্থাৎ বুঢ়ী আইৰ সাধুৰ প্ৰকাশৰ প্ৰায় পঞ্চাছ বছৰ পাছত লেখাৰুৱে লিখিছিল: " অতি সহজ সৰল ভাষাত লেখা এই সাধুবোৰ আজিও কৰা ছোৱালীৰ আগ্ৰহৰ বস্তু৷" একবিংশ শতিকাৰ তৃতীয় দশকৰ মাজ ভাগতো (২০২৪) লেখাৰুৰ এই মন্তব্য সত্য হৈ ৰৈছে৷ বুৰঞ্জীবিদ তথা বিশিষ্ট অসমীয়া গদ্য ৰীতিৰ প্ৰবৰ্তন কৰোঁতা বেণুধৰ শৰ্মাৰ মতে সাধুতেই জাতীয় সভ্যতাৰ আত্মাটো বা আমঠুটো সোমাই থাকে৷ বুঢ়ী আইৰ সাধু ছপা হোৱা এশ বছৰ পাছতো এই সাধুবোৰে নিৰ্মাণ কৰি লোৱা ভিন ভিন তৰপীয়া জগতৰ সাৱলীলতাই শিশু মনক এতিয়াও চুই যাবলৈ সক্ষম হৈ ৰৈছে৷ বুঢ়ী আইৰ সাধুত মুঠতে ত্ৰিশটা সাধু আছে৷ আলোচক ফ্ৰাৎচ ফ্ৰানোৱে ঔপনিৱেশিকতাৰ এটা স্তৰত এই উপনিবেশৰ অধীনৰ কিছু আগবঢ়া লোকে বৌদ্ধিক ভাৱে নিজৰ জাতি, সমাজৰ স্বকীয় পৰিচয় প্ৰতিষ্ঠা কৰাৰ প্ৰয়াস কৰা দেখা যায় বুলি কৈছে৷

ঐতিহ্য, পৰম্পৰা আৰু সংস্কৃতিৰ সমলৰ পৰা এই পৰিচয় প্ৰতিষ্ঠা(establishment of identity)ৰ প্ৰক্ৰিয়াটো আগবাঢ়ে৷ বেজবৰুৱাৰ বুঢ়ী আইৰ সাধু অসমীয়া মানুহৰ বাবে জাতিটোৰ প্ৰতিষ্ঠা স্থাপনৰ এটা নমুনা৷ মনোৰঞ্জনৰ বাবে ৰচিত হ'লেও এই সাধুবোৰে কোনো কোনো ক্ষেত্ৰত নৈতিক শিক্ষা(moral education) ও দিয়াৰ প্ৰয়াস কৰিছে৷